Charkhi Dadri News
हाथ जोड़ के कहरी सूं तू मेरा कहा ले मान पिया।
टेक:दारू पीनी छोड़ दिए तूं क्यू हो रहा गलतान पिया।
1)जिस दिन में तेरे ब्याही आई करले वो दिन याद पिया।
सब चीजां के ठाठ म्हारे थी लाखों की जायदाद पिया।
इस दारू के तेरे नशे ने सब कर दी बरबाद पिया।
दो पायां ने ठोड़ रही ना कोसेगी औलाद पिया। अपना मरण जगत की हांसी थूके सभी जहान पिया।
- छोटे छोटे बालक तेरे, गात उचाटी होरी सै।
गालां के में फिरे रोंवते रेह रेह माटी होरी सै।
इस कुकर्म ने देख देख मेरी तबीयत खाटी होरी सै।
न्यूनै जां तो भीत खड़ी और न्यूनै लाठी होरी सै।
कुछ तो शर्म आवणी चाहिए क्यू हो रहा शैतान पिया।
चोबीस घण्टे डौन रहे तेरी ना जीवण की आस पिया।
3).गालां के में फिरे लौटता ठा राखी सै बांस पिया।
खान दान की इज्जत का तने कर दिया सत्यानाश पिया।
बहुत घणी दुख पा लो और इब होती ना बरदास पिया।
कदे ने कदे मैं इससे दुख में खो दूं अपनी ज्यान पिया।
4)देवी राम बादली आले दारू बुरी बिमारी हो। बुरे काम का बुरा नतीजा धुर तैं होती आरी हो। ठोकर खा के सौधी आज्या वो भी हो इंसान पिया।
राम कुमार कितलाने आला या कहती दुनिया सारी हो।
अपनी इज्जत अपने हाथ या बात खास समझारी हो।
Read More …
Charkhi Dadri News – 11वें आयुर्वेद दिवस पर MLR आयुर्वेदिक कॉलेज में क्विज See More….
Charkhi Dadri News – 2 किलो चूरा पोस्त सहित आरोपी गिरफ्तार, चरखी दादरी CIA की बड़ी कार्रवाई
